Click here to buy eBook.

ఓ మహిళా తిరగబడు... చూపించు తెగువ

శ్రీ కేకలతూరి క్రిష్ణయ్య రచించిన ఈ గ్రంథం చదివాను. తల్లి పాదాల క్రింద స్వర్గం వుందని ఇస్లాం ధర్మం చెబుతోంది. ఒక మహిళను కాపాడిన వ్యక్తి స్వర్గానికి వెళతాడు. హింసించిన వ్యక్తి స్వర్గాన్ని చేజార్చుకుంటాడు. మహిళలను కాపాడే అవకాశం ఇటు పోలీసులకు, అటు రచయితలకు అధికంగా వుంటుందని నా ఉద్దేశం. రచయిత మహిళల పట్ల ప్రదర్శించిన సానుభూతి, ధైర్య వచనాలు, తన పుస్తకం ద్వారా మహిళలను కాపాడాలనే ఒక బలమైన ఆకాంక్ష, మహిళలకు చేతనైనంత సహాయ సహకారాలు అందించాలనే తపన, దృక్పథం, శోధన చక్కగా ఉన్నాయి. సమాజంలో మహిళలకు వ్యతిరేకంగా జరుగుతున్న అన్యాయాలు, అక్రమాలు, అఘాయిత్యాలు, అరాచకాలను, సమాజంలోని పోకడలను చాలా క్షుణ్ణంగా గమనించి, పరిశీలించి, పరిశోధించి ఈ పుస్తకం రాశారని అర్థం అవుతుంది. పరిష్కారాలు కూడా చూపించారు.

- శ్రీ ఎ.కె.ఖాన్ ఐ.పి.ఎస్, ఏసిబి డైరక్టర్ జనరల్

* * *

ఇది చాలా సాధికారిక రచన. ప్రపంచాన్ని పరిశోధించి, పరిశీలించి స్త్రీ పరిస్థితిని కళ్ళకు కట్టిన రచన. ఇటీవల స్త్రీల మీద దాడులు ఎక్కువయ్యాయి. నిర్భయ చట్టం వచ్చింది. వాటి గురించి వివరణ ఇచ్చారు. క్రమంగా స్త్రీలు ప్రపంచంలో, వివిధ రంగాల్లో ఎట్లా రాణించారో వివరించారు. స్త్రీలపై జరుగుతున్న దాడులకు ఎట్లాంటి సామాజిక, ఆర్థిక, మానసిక పరిస్థితులు దేశంలో వున్నాయో చూపారు. వీటన్నిటిని అధిగమించి స్త్రీ ధైర్యంగా, నిలబడడానికి ఎట్లాంటి చర్యలు అవసరమో సచిత్రంగా వివరించారు.

- శ్రీ తనికెళ్ళ భరణి, రచయిత, సినీ కళాకారులు

Click here to buy eBook.

O Woman! Arise and Fight

In India, though the crime is proved, no one talks about the punishment for years together. As a result of this habit the offenders feel that nothing happens even if the crime is committed. This lethargy makes it difficult to control crimes.
If this situation should change, there should be changes made in the very establishments. Efforts should be made to erase the differences between men and women that are observed in the society. Children should be taught to develop a humanitarian outlook through an education that stresses on values. The movies that show women as show things should be banned as also such literature. The free for all that is taking place in the internet should be stopped. Liquor and drugs should be controlled. Rapes and atrocities cannot be stopped or controlled without taking severe action on the above items. Rape offenders should immediately be punished most severely. Then only Nirbhayas will get protection.
25 November is the day of International Anti-violence Day for Women. In that connection I wanted to write a book dealing with the Acts that come to their help, the precautions women should take to protect themselves and allied aspects.

- Kekalathur Krishnaiah

Sri K.Krishnaiah's latest book is a timely necessity. People talk but seldom act. The writer has his pen as this weapon. But the pen does not hurt or harm in the hands of a seasoned thinker like Sri Krishnaiah. It acts as an instrument of encouragement, an eye-opener and as a guiding agent.
Cultural societies in the world have been trying to curb the evil tendency in man by passing Acts and punishing him severely for his attacks on women. This book by Sri Krishnaiah is an attempt to help women to safeguard themselves when man behaves forgetting his birth as a human being. Women need not wince at the superior strength of man. They should develop a strong will to face him. Krishnamaiah's book comes out of the heart of the author. It also reflects the thinking of the wise at the half-hearted manner the authorities handle the problem and its solution. Justice delayed is justice denied. It is not for nothing that Sri Krishnaiah has been called the "Samajika Rachana Silpi".

- D. Ranga Rao

Click here to buy eBook.

యువతా... కాపాడుకో నీ భవిత

దేశాభివృద్ధికి, ప్రజా సంక్షేమానికి విడుదలైన మొత్తాలు రాజకీయ నాయకులు, వారి అనుచరులు, వారికి సహాయం చేసే ప్రభుత్వోద్యోగులు ఆ డబ్బు దారి మళ్ళించి వీరి బొక్కసాలు నింపుకుంటున్నారు. బడుగుజీవుల బతుకుల్లో మార్పులేదు. ఎన్నికలొచ్చినప్పుడు అమాయక ప్రజలకు డబ్బు ఆశ చూపి ఓట్లు కొనుక్కొంటున్నారు. ప్రజాస్వామ్య విలువలు అడుగంటిపోయాయి. ఏదో కొంత మంది నిజాయితీపరులైన నాయకులు ప్రభుత్వ ఉద్యోగులు ఉన్నా వారు చేయగలిగింది పరిమితంగానే ఉంటుంది. డిల్లీ పీఠం మీద, రాష్ట్రాధిపత్యంలోను నిజాయితీ నాయకుడున్నా ఈ అవినీతి ప్రక్షాళన చేయలేరు.
ఈ అవినీతి అంటువ్యాధిలా ప్రబలింది. దీని మూలాలు తెలుసుకొని అంతమొందించాలంటే మంచి వైద్యుల బృందాలు దేశమంతా ఏర్పడాలి, ముఖ్యంగా గ్రామాల్లో ఏర్పడి ప్రబలిన అవినీతి జాడ్యాన్ని నిర్మూలించాలి. ఆ వైద్యులే యువత. బృందాలుగా ఏర్పడి అమాయక ప్రజలకు, బడుగు జీవులకు అండగా నిలిచి వారి వారి గ్రామాలు వారే బాగు చేసుకోవాలి. సరైన నాయకత్వం లేక ప్రజలు దిక్కుతెలియని స్థితిలో ఉన్నారు. మంచి నాయకత్వానికి తోడుగా ప్రజలు ముందుకొస్తారు. వ్యవసాయం, విద్య, వైద్యం, పొదుపు, గ్రామాభివృద్ధి, రవాణా, నీరు మొదలగునవన్నీ ప్రజలకు సేవ చేయవచ్చును.
మనది వేద భూమి, ఆధ్యాత్మికత, సత్యం, ధర్మం, పునాదులుగా మన దేశం, మన సంస్కృతి వెలసింది. కాబట్టి పల్లె పట్టణం అని లేకుండా అన్ని చోట్లా మానవత్వం విలువలు తెలిసిన మహానుభావులున్నారు.ఇప్పటి వరకు కాపాడుతూ వచ్చారు. మానవతా విలువలతో, సేవాభావంతో, నిస్వార్ధబుద్ధితో, స్వచ్ఛమైన మనస్సుతో సమాజమునకు ఎనలేని సేవలు చేసి, దేశాభివృద్ధికి తోడ్పడిన దేశ విదేశాలలోని పదిహేను మంది యధార్ధ గాధలు ఈ పుస్తకంలో పొందుపరిచాను.
ఈ పుస్తకం చదివి యువత, దేశభక్తి, సేవాభావంతో స్ఫూర్తిదాయకంగా కొంతమందైన ముందుకు వస్తారని ఆశిస్తున్నాను.

- కేకలతూరి కృష్ణయ్య

Click here to buy eBook.

A Guide to EHT SubStations

The book covers various major equipment details required for construction of EHV Sub-Stations. He has written this book based on his field experience in construction of EHV Sub - Stations.
He has good experience in the construction activity in India and abroad and has illustrated standard practices required for construction and safe operation of them. The Power Generation and Transmission is major part of supplying electrical energy to the public for their day to day requirements in Industries, commercial establishments and in domestic use. The safety precautions and operational requirements are given in detail by Sri K. Krishnaiah in this book. This book is very useful for field engineers working in construction organizations in their day to day works and for their improvement in associating with various operations of the equipments in the EHV Stations.
I appreciate the work done by Sri. Sri K. Krishnaiah in bringing this book indicating his rich experience in EHV Sub-Stations.

- Mr. Gopalachary, Former Director, APTRANSCO

It gives me immense pleasure to write about this book titled “A Guide to EHT Sub - Stations” written by Sri K.KRISHNAIAH. After going through his previous book on survey and transmission line construction, I could understand the rich and vast experience of the author in the field of Electrical Engineering.
He has dealt in detail, various aspects of power system in an 'easy to understand' style, through illustrations. Each chapter is dealt in such a way to cover all topics. Especially the chapters on protection and cables are covered with the latest topics. The technical knowledge embedded in this book reflects the vast experience of the author and is useful as a guide to all fresh as well as practising engineers.
I congratulate the author for his zeal and painstaking efforts in bringing out this book and wish him all the best for his future works.

- Mr. Vijayakumar, SE, TSTRANSCO

Click here to buy eBook.

మాతృభాష తెలుగుకు వెలుగు చూపు

నిత్య సత్య పరిశీలకులు, విషయ సుస్పష్టవ్యక్త నిపుణ శిల్పి శ్రీ కేకలతూరి కృష్ణయ్య గారు రచించిన పదిహేడునూ పరిశోధనా గ్రంథములే. అవి విభిన్న విపుల విషయ సిరులు. విశిష్ట విషయ సంగ్రహణా నిధులు. విశ్వజన ప్రయోజనకరములు. సందేశాత్మకములు. ప్రౌఢభావోన్నతములు. ఇట్టి సమాజ హితవరి రచించిన ఈ గ్రంథము సామాన్యులకు పండితులకు భాష, మాతృభాష తెలుగు భాషల పట్ల చక్కని అవగాహన గల్గించును. మానవ మనుగడ కత్యంతావశ్యకమగు భష లెప్పుడెక్కడెట్లు పుట్టెనో, వ్యాపించెనో తెల్పును. ఐత్రేయారణ్యకయజుర్వేద సూక్తములను, సాన్, పపువాన్, టిబెటో బర్మన్, ఆస్ట్రో ఆసియాటిక్ ఇండో యూరోపియన్ మొదలగు భాషల చరిత్రను తెలుపును. సంస్కృతిని వివరించును. వ్యాప్తి నెఱిగించును. మానవుని సర్వతోముఖాభివృద్ధికి మాతృభాష దోహదపడు విధమును ప్రపంచమున మాతృభాషాభివృద్ధి దేశములలో పెరిగిన విజ్ఞాన, శాస్త్ర సాంకేతిక నైపుణ్యము. తద్వారా ఆయా దేశముల సాంఘిక, ఆర్ధిక యశోప్రగతులను సోదాహరణముగా యిందు తెలుపబడినది అని పఠితుల హృదయమున మాతృభాషాభిమాన బీజములను విత్తును. తెలుగు భాష పుట్టుపూర్వోత్తరములు, ఎవ్వరూ గతములో చెప్పని రీతిలో రచయిత ఈ గ్రంధమున వినూత్నముగ తెలిపెను. అచ్చులు, హల్లులు వ్యాకరణాంశములు, జరిగిన మార్పులు క్రమపద్ధతిలో తెల్పెను. రాజులు, శాసనములు, పురాణములు, కావ్యాలు, ప్రబంధాలు, నాటకాలు, గేయములు, పదకవీతలు వివిధ సాహిత్య ప్రక్రియలలో భాష వృద్ధి చెందిన వైనము. వానిని సృష్టించిన కవులు, పండితులు కళాకారులు వానిని పోషించిన రాజులతో విశదపరిచెను. కార్పొరేట్ విద్యా వ్యాపార సంస్థల విష ప్రచారముతో ఆంగ్లభాషా వ్యామోహములో తచ్చాడు తెలుగు భాష జ్యోతి వెలుగుల సుగతులనేర్పాటు చేసిన రచయిత తెలుగు భాష వైభవమును విదేశీయ మహాత్ములు, పొరుగు రాష్ట్రాల మాన్యులు, మన రాష్ట్ర పండితులు ప్రశసించిన విధము, భాష గొప్పదనమును భాష ప్రజలను భాష సంస్కృతిని, ప్రపంచ విస్తరణను, విదేశ విశ్వవిద్యాలయ భోధన శాఖలను పీఠములను స్పష్టపరచెను. ఇట్టి భాషాభివృద్ధికై ప్రభుత్వము పాటుపడవలెనని వీరి సూచించిన సూచనలు మిక్కిలి ప్రాధాన్యతను సంతరించుకొన్నది.

- మహాకవి విద్వాన్ చలంకోట బురుజు మునుస్వామి

Click here to buy eBook.

మానవులు - మనస్తత్వాలు

నేను ఆరాధించే సరస్వతి మీద ప్రమాణం చేసి చెపుతున్నాను. ఇది చాలా అద్భుతమైన పుస్తకం. డెబ్భై ఎనిమిదేళ్ళ వయసులో క్రిష్ణయ్య గారు ఎంతో కృషి చేసి యువతకు అందించిన ఈ వ్యక్తిత్వ గ్రంథం చాలా వ్యక్తిత్వ వికాస పుస్తకాల కంటే ఎంతో ఉన్నతమైనది. ఇందులో ఆయన వెలిబుచ్చిన అభిప్రాయాలూ, ఇచ్చిన ఉదాహరణలూ చాలా గొప్పగా ఉన్నాయి. ప్రతి ఒక్కరూ చదవవలసిన పుస్తకం ఇది. ఇలాంటి కితాబు నేను గతంలో ఏ పుస్తకానికి ఇవ్వలేదు అని నా పాఠకులకి తెలిసే ఉంటుంది. ఇంత జ్ఞానం ఉండి, అనుభవం ఉండి, కృష్ణయ్య గారు పాఠకలోకానికి అంత పాపులర్ రచయిత కాలేకపోవడానికి కారణం ఆయనకి మార్కెటింగ్ గిమ్మిక్స్ తెలియకపోవడమే అని నేను భావిస్తున్నాను. ఈ పుస్తకాన్ని ప్రతి ఒక్కరు కొని చదివి, వీలైనంతమందికి రికమెండ్ చేయాలని నా అభిలాష.

- యండమూరి వీరేంద్రనాథ్

* * *

"మానవులు - మనస్తత్వాలు" పుస్తకం పూర్తిగా చదివిన తరువాత ఒక వ్యక్తి తన అనుభవమును ఇతరులకు పంచాలనే దూరదృష్టి, సామాజిక దృష్టి, విషయాన్ని తేలికగా కథన రూపంలో అందజేసే నైపుణ్యత చక్కగా ఉన్నది. ఒక వ్యక్తి అనుభవాన్ని ఆధారంగా తీసుకొని సమాజంలో నిత్య జీవితంలో వాస్తవంగా ఎదుర్కొన్న సమస్యలు - పరిష్కారమార్గాలు, సాధించిన లక్ష్యాలు, పాఠకులకు మంచి ఉత్తేజాన్ని, సృజనాత్మకతను అందివ్వగలనని ఇందులోని పాత్రల ద్వారా నిరూపించారు. శంకరయ్య విద్యార్థి జీవనం, పాఠశాల వాతావరణం, ఆనాటి విద్యా విధానం నేటి తరానికి మార్గదర్శకం. కుటుంబంలో జరిగే సమస్యలు, తద్వారా అన్నీ పొందిన వెలితిగా కలిగిన మానసిక అసంతృప్తి ప్రతి కుటుంబంలోను కనిపిస్తుంది. పలు కథల ద్వారా విషయ అవగాహన చక్కగా వ్యక్తపరిచారు. ఆ కథలు మంచి నైతిక విలువలు, మానవ సంబంధాలు, చక్కగా అవగాహన కల్గిస్తాయి. నీతిని పెంపొందిస్తాయి. ఈ పుస్తకం మనో విజ్ఞానానికి సంబంధించినది కానీ శాస్త్రాన్ని మాత్రమే కుమ్మరించకుండా ఉదాహరణల ద్వారా చక్కగా అందించారు. పాఠకులకు అవగాహన కలిగిస్తుంది. పలు జీవితానుభవాలు ప్రతి కుటుంబ జీవనానికి ఉపకరిస్తాయి. కుటుంబ సహజీవనానికి, లౌక్యంగా, హాయిగా సమాజంలో మెలగడానికి తోడ్పడతాయి. ఈ పుస్తకం సమీక్షకు పంపినందుకు కృతజ్ఞతలు. నాకున్న ఉపాధ్యాయ నేపథ్యం ద్వారా ఈ చిన్న అభిప్రాయం వ్యక్తపరిచాను. ‘‘చదువుకున్న డిగ్రీకన్నా అనుభవం గొప్పది. అందుకు ఉదాహరణ ఈ పుస్తకం’’. ఈ పుస్తకం ప్రచురించి పదుగురికి ఉపకరించి, సమతౌల్య మూర్తిమత్వ వికాసానికీ, ఉపకరించాలని తద్వారా మీ ఆశయం - లక్ష్యం నెరవేరాలని ఆకాంక్షిస్తున్నాను.

- డా॥ ముత్తు యతిరాజు , ప్రిన్సిపాల్‌, ఉపాధ్యాయ శిక్షణా సంస్థ (మ), రాయపేట, చెన్నయ్‌ - 14

Click here to buy eBook.

సమాజిక హితకారిణి

పరమాత్మ తత్త్వమెరిగిన మహర్షులూ, పరమాణు రహస్యాలెరిగిన శాస్త్రజ్ఞులు ‘‘మానవ సేవే మాధవ సేవ’’ అని నమ్మి మానవాళి సేవకే అంకితమైన మహాత్ములు - ఎందరెందరో పుడమిపై వెలిశారు.

కరుణ, ప్రేమ, త్యాగబుద్ధి లేకుంటే మనిషి రాక్షసుడౌతాడు. స్వార్థానికి అతీతమైన లక్ష్యాన్ని జీవితంలో ఎవరికి వారే ఏర్పరుచుకోవాలి. లేకుంటే బ్రతుకు తెగిన గాలిపటం అవుతుంది. గమ్యం లేని బతుకు అశాంతికి నిలయాలు. విధి చేతిలో కీలు బొమ్మలమని, వ్యక్తిత్వం లేని బ్రతుకు బ్రతకటం అర్థరహితం.

కుటుంబంలో, సమాజంలో ఎవరంతట వారికి తమ పాత్ర గురించి నిర్ధిష్ట అభిప్రాయం ఉండాలి. లేకుంటే అనేక మానసిక దౌర్బల్యాలకు గురి కావలసి వస్తుంది. సంకుచిత బుద్ధి ప్రబలితే, ప్రయోజనాపేక్షతో పరిచయాలను, స్నేహాలను పెంచుకుంటూ పోతే ఎప్పటికప్పుడు అశాంతికి గురి కావలసి వస్తుంది.

హత్యలు, ఆత్మహత్యలు నేడు చాలా సమస్యలకు సులువైన పరిష్కారంగా కనబడుతున్నట్లుంది. గానుగెద్దు జీవితం ఊబిలో బ్రతుకుతూ, విశాల దృష్టి పెరగని వైఫల్యం చాలా మందిని ఈ బలహీనతకు గురి చేస్తున్నాయి.

మూణ్ణాళ్ళ ముచ్చట బ్రతుకు మన పాలిట మహావరం. మనం ఈ భోగభాగ్యాలతోనూ, ఇన్ని ఆధునిక వసతులతోను జీవిస్తున్నామంటే మన తాతలు ముత్తాతలు మనకోసం ఎంతో చేయబట్టే. మనము సోమరులమైతే రేపు మన పిల్లల సంగతేంటి? ముందు తరాలకు నీవు ఏమిస్తావు? చేస్తున్న వృత్తి చిత్తశుద్ధితో చేయడం, స్వంత లాభం కొంత మానుకుని పొరుగువారికి తోడు పడటం, జీవిత లక్ష్యాలు కావాలి.

Click here to buy eBook.

జంతువిజ్ఞానం - సృష్టి వైచిత్రం

తెలిసీ... తెలియని ప్రపంచం... అద్భుతం... ఆశ్చర్యం... అపూర్వం...

కేకలతూరి క్రిష్ణయ్యగారు... ఆయన పరిశీలనా... శ్రద్ధ... మాకు తెలిసిన (తెలిసీ... తెలియని విషయాల్ని) పరిపూర్ణమైన అవగాహనతో... బొమ్మ కట్టారు. .

ఎన్ని జంతువులు.. ఎన్ని పక్షులు.. ఎన్ని కీటకాలు.. ప్రతీ దానికి.. దాని మూలాలు.. అలవాట్లు వంటి అనేక విషయాల్నిఅందంగా చిత్రించారు...

ఈ పుస్తకం చదువుతోంటే... డిస్కవరీ ఛానల్లో జంతువుల్ని దగ్గర్నుంచి చూస్తున్నట్టుంది. ... ఇది మామూలు సృష్టి కాదు.....

తెలుగు జాతి యావత్తు... మీకు రుణపడి ఉంటుంది..

- శ్రీ తనికెళ్ళ భరణి, రచయిత, సినీ కళాకారులు

Click here to buy eBook.

వేద విజ్ఞానం - సృష్టి రహస్యాలు

వేదం భారతీయుల ఆత్మ...., వేదం అందరికీ, అంత సులువుగా అందేది కాదు... తేలిగ్గా అర్థమయ్యేది కాదు... .

అలాంటి వేద మూలాల్ని, వాటి ప్రయోజనాలన్నీ సామాన్యులకు సైతం.. అరటిపండు వొలిచి చేతిలో పెట్టారు కేకలతూరి క్రిష్ణయ్య గారు. ఇదే కాకుండా... రెండో భాగంలో సృష్టి రహస్యాలని... అందరినీ ఆకట్టుకునేలా... ఉదాహరణలతో రాశారు.

క్రిష్ణయ్య గారు గతంలో కూడా చాలా పుస్తకాలు రాశారు... వయస్సు పై బడుతున్నా కూడా ఉత్సాహంగా... ఆయన చేస్తున్న ఈ రచనా వ్యాసంగం... చాలామందికి ఆశ్చర్యాన్ని కలిగిస్తుంది! పండితులనీ... పామరులనీ కూడా అలరించే శైలి కేకలతూరి వారిది...

ఇంత పరిశోధన... పరిశీలన చేసి... ప్రపంచానికి ఇన్ని అద్భుతమైన సంగతుల్ని పరిచయం చేస్తున్న క్రిష్ణయ్య గారికి నమోవాకములు...

శివోహం ..

- శ్రీ తనికెళ్ళ భరణి, రచయిత, సినీ కళాకారులు

Click here to buy eBook.

చతుష్షష్టి కళలు

కృషితో ‘ఋషి’ స్థానాన్ని పొందిన కర్మయోగి

ఫలాపేక్ష తెలియని నిస్వార్థమూర్తి, కీర్తికాంత నిరంతరం నీడలా వెన్నంటి వున్నా, వెనుతిరిగి చూడక, నమ్మిన లక్ష్యసాధనకై ముందుకు సాగిపోయే వినమ్రమూర్తి. బహుముఖ ప్రజ్ఞతో ఎదిగి ఎదిగి, అనూహ్య స్థానాన్ని అధిష్టించినా, అంతకుమించి వొదిగిపోయి, దైవత్వాన్ని నిర్వచించిన ధన్యజీవి క్రిష్ణయ్య గారు.

క్రిష్ణయ్యగారికి కీర్తికండూతికి అర్థం తెలియదు. కీర్తి శిఖరాగ్రాలను గురించిన పట్టింపు లేదు. అతి నిరాడంబర తత్వానేషణతో, తద్వారా సముపార్జించిన యోగశక్తి ప్రభావం చేతనే భగవంతుని అనుగ్రహాన్ని పొంది, అంతర్యామి ఆదేశానుసారం కలం పట్టి - అసాధారణ రచనలెన్నో చేశారు, చేస్తున్నారు.

ఉద్యోగరీత్యా దేశ విదేశాలో సంచరిస్తూనే, జ్ఞానతృష్ణతో, స్వయంకృషితో, తమ మార్గాన్ని నిర్దేశించుకుని, అధ్యయనం చేసి, ఆర్జించిన విశేషానుభవాలను సమాజ చైతన్యం కోసం ధారపొయ్యాలని, నిర్విరామ సాహితీ సేద్యంలో హలాన్ని కలంగా మార్చి, నిత్యకృషీవలునిగా గ్రంథరచన చేస్తున్నారు.

అరుదైన ఈ గ్రంథాన్ని లిఖించి ‘‘చతుష్షష్టి కళల’’నూ సకల జన ప్రయోజనార్థం కనుల ముందుంచి, నవ్య చైతన్యాన్ని మనకందించే ప్రయత్నంలో సఫలీకృతుయ్యారు క్రిష్ణయ్యగారు.

అరవై నాలుగు కళలలో పరకాయ ప్రవేశం చేసి, సహజ సిద్ధమైన ప్రజ్ఞాపాటవాలతో - కలం పట్టి ఆశించిన ప్రయోజనాన్ని సాధించిన క్రిష్ణయ్యగారు ధన్యులు.

- డాక్టర్‌. కె. వి. కృష్ణకుమారి

* * *

కళకళలాడే తత్త్వం

కేకలతూరి క్రిష్ణయ్యగారికి దణ్ణాలు పెట్టేస్తున్నా... కారణం... ఈ వయసులో... ఆయన తృష్ణ... ఆయన కృషీ... ఆయన తపనా.... నిజంగా ఈర్ష్య కలుగుతోంది!...

ఎన్ని పుస్తకాలు... ఎంత విలువైన సమాచారం... ముఖ్యంగా భారతీయ జీవన విధానం గురించి అరవై నాలుగు కళలు.... అసలు అవి ఉన్నాయని ఈ జనరేషన్‌లో చాలామందికి తెలీదు లెండి!!

అలాంటి 64 కళల గురించి విపులంగా వ్రాసిన పుస్తకం... మళ్ళీ చెప్తున్నా దీనిగ్గూడా పిహెచ్‌.డి ఇవ్వొచ్చు!

ఏమైనా క్రిష్ణయ్యగారు ధన్యులు... ఆయనతో పాటే సంచరిస్తున్న మేమూ ధన్యులం.

శివోహం ..

- శ్రీ తనికెళ్ళ భరణి, రచయిత, సినీ కళాకారులు

Click here to buy eBook.

బంధాలు - బంధుత్వాలు

'బంధాల దీప్తి' - 'బంధుత్వాలకు స్ఫూర్తి'

నిస్వార్థ ప్రేమతో పూర్తి హృదయాలతో చేసే సంబంధాలు కలకాలం నిలబడి ఉంటాయని, ఉత్తమ సంస్కార పరంతా ఆదర్శవంతమైన సమాజం ఏర్పడుతుందనీ, అటువంటి సమాజమే మనిషికి ధైర్యాన్నిచ్చి ఆత్మస్థైర్యంతో నిలబడేలా చేస్తుందనీ - ప్రారంభంలో వ్రాసుకున్నారు రచయిత.

మానవ సంబంధాలను గురించిన అధ్యయానాన్ని, జీవితంలో ఎలా సాధించాలో ఎంతగానో ఉపయోగపడేలా చేస్తుందీ గ్రంథం. ఆయన స్వీయానుభవాల సారాంశం కనుక క్రిష్ణయ్యగారు అంత దృఢంగా, ఆత్మవిశ్వాసంతో చెప్పగలిగారు. ఈ గ్రంథంలో మమతలతో కూడిన మానవతకి అగ్రస్థానాన్నిచ్చారు. మానవాభివృద్ధికి తోడ్పడే ఆరోగ్యం, చదువు, సంస్కృతి, ఆధ్యాత్మిక దృక్పథం, శాంతి సౌభాగ్యాలనూ అత్యున్నత స్థితిగతులనూ అందజేస్తుంది కనుక - అందుకు తగిన మార్గాలను సవివరంగా సూచించారీ గ్రంథంలో.

వివాహ వ్యవస్థను గురించీ, దంపతుల మధ్యన వుండవలసిన ఆత్మీయానుబంధాల గురించీ, పట్టుదలలకు, ప్రతీకారాలకూ - ఈర్ష్య, అసూయా ద్వేషాలకు సహజీవనంలో స్థానమనేదే వుండకూడదనీ చెబుతూనే - దంపతుల మధ్యన వుండదగ్గ సుఖ జీవనానికి ఎంతో విలువైన సూచనలు అందజేశారు. సుఖమయ దాంపత్య జీవనమంటే, చక్కని అవగాహనతో, అన్యోన్యానురాగాలతో, ప్రేమాస్పద వర్తనతో సాగిపోవాలనీ; కానీ ప్రస్తుత పరిస్థితులలో ఇగో, అతిశయం, అసహనం ఎక్కువయ్యాయనీ తద్వారా బంధాలు విచ్ఛిన్నమవటమే కాకుండా పిల్లలు మానసిక వికలాంగులుగా తయారవుతున్నారని ఆవేదనను వ్యక్తం చేశారు.

దంపతుల మధ్య సుహృద్భావం నెలకొనటానికీ, ప్రశాంత జీవనం కొనసాగడానికీ ఎన్నో సలహాలను మానసిక తత్వవేత్తలా అందించి తన బాధ్యతను సఫలీకృతం చేసుకున్నారు క్రిష్ణయ్యగారు. అందుకు సంబంధించిన మార్గాలనెన్నిటినో సుదీర్ఘంగా వివరించారీ గ్రంథంలో. కుటుంబ పెద్దగా ఆయన ఆచరించిన, ఆచరిస్తున్న ప్రేమ పూరితమైన బాధ్యతాయుత వర్తనను - హృద్యంగా అక్షరబద్ధం చేశారు.

- డాక్టర్‌. కె. వి. కృష్ణకుమారి

* * *

అనుబంధాల ఆంతర్యం తెలిసిన మనిషి

ఈ "బంధాలు - బంధుత్వాలు" అన్న గ్రంథంలో సమాజంలోని వ్యక్తులతో, స్నేహితులతో, పరిచితులతో, అపరిచితులతో మనకు ఏర్పడే సంబంధాల మంచి చెడుల్ని క్రిష్ణయ్యగారు వివరిస్తారు. ప్రత్యేకించి భార్యాభర్తల సంబంధాల్ని, స్త్రీ పురుషుల సంబంధాల్ని వివిధ కోణాల్లో విశ్లేషిస్తారు. మానవ జీవిత్తం క్రమశిక్షణతో వుంటే ఎంత అర్థవంతమవుతుందో చెబుతారు. 'వ్యక్తి సామాజికుడు. వ్యక్తి తన చర్యల ద్వారా సమాజానికి మేలు చేయాలి' అంటారాయన. ఆ క్రమంలో జీవితంలో ఎన్నో ఆటుపోట్లు ఎదురయినా దృఢంగా నిలబడాలంటారు.

తన రచనలన్నింటిలోనూ ఆయన మతం, కుటుంబం, మనస్తత్వం, తదితర అంశాలని విశ్లేషిస్తూ వుంటారు. మానవ ప్రయత్నంతో సమాజ కుటుంబ రుగ్నతల్ని రూపుమాపవచ్చని ఆయన శాస్త్రీయంగా తన రచనలల్ని మన ముందుంచారు. అందరం చదవాల్సిన ఆయన రచనల్లో యిది కూడా మరొకటి.

- శ్రీ తనికెళ్ళ భరణి, రచయిత, సినీ కళాకారులు

Click here to buy eBook.

సైన్యము - యుద్ధము - యుద్ధవీరులు

యుద్ధం ఆధిపత్య భావనకి చిహ్నం. ఏ కాలంలోనైనా యుద్ధం వినాశకరమే. వ్యక్తులుగా యుద్ధాన్ని వ్యతిరేకించినా ఒక రాజ్యంగా/ఒక దేశంగా యుద్ధంలో పాల్గొనడం కొన్నిసార్లు అనివార్యమౌతుంది. పూర్వకాలంలో వేరే రాజ్యాన్నో దేశాన్నో కబళించడానికి యుద్ధాలు జరిగితే, వర్తమానంలో వనరుల కోసం యుద్ధాలు జరుగుతున్నాయి.

చరిత్ర నిండా యుద్ధాలూ... మృతులు... క్షతగాత్రుల వివరాలే అనుకుంటారు చాలామంది. ఎప్పుడో జరిగిన యుద్ధాల గురించి ఇప్పుడెందుకు తెలుసుకోవడం అనుకుంటారు మరికొందరు. నిజమే. యుద్ధం అవసరం లేదు. కాని యుద్ధాల గురించిన సమాచారం తెలుసుకోవడం అవసరం. ఏ యుద్ధం ఎందుకు జరిగిందో, ఏ ఘటన ఏ యుద్ధానికి దారితీసిందో, ఏ రణానికి ఏది పరోక్ష కారణమో, ఏది ప్రత్యక్ష కారణమో తెలుసుకోవాలి. యుద్ధమంటే మనుషులు... యుద్ధమంటే ఆయుధాలు.. యుద్ధమంటే సైన్యం... యుద్ధమంటే జయాపజయాలు.

జీవనమే పోరాటంగా మారుతున్న రోజులివి. జీవనోపాధి కోసం వృత్తి నైపుణ్యం మాత్రమే కాకుండా అనేక విషయాలపై అవగాహన కలిగి ఉండడం అనివార్యమైపోతున్న కాలమిది. ముఖ్యంగా ప్రభుత్య రంగం, బ్యాంకింగ్ రంగాలలోనూ ఉద్యోగాలు ఆశించే యువతకి సామాన్య విజ్ఞానం విస్తృతంగా పెంచుకోవాల్సి ఉంది. పలు పోటీ పరీక్షలలో చరిత్రకి సంబధించిన ప్రశ్నలు అడుగుతున్నారు. చరిత్రలలో యుద్ధాలు విడదీయరాని భాగం. అందుకే యుద్ధాల గురించి విపులమైన వివరాలను ఈ పుస్తకంలో అందిస్తున్నాను.

సైన్యమంటే ఏమిటి? భారత సైనిక దళం ఎలా ఉంది? మొదటి ప్రపంచ యుద్ధం, రెండో ప్రపంచ యుద్ధం, అణు బాంబుల ప్రయోగం వంటి వివరాలు; ఆధునిక భారతదేశ చరిత్రలో పాకిస్థాన్‌తో జరిగిన యుద్ధాలు, బంగ్లాదేశ్ విముక్తి పోరాటం; వివిధ యుద్ధాల పరిణామాలు; అమెరికా సోవియట్ యూనియన్‍ల పాత్ర గురించిన సమాచారం; కార్గిల్ యుద్ధానికి సంబంధించిన సమాచారం ఈ పుస్తకంలో లభిస్తాయి.

విమాన వాహక నౌకల గురించి, జనరల్ కె.ఎస్. తిమ్మయ్య గురించిన విశేషాలు; ఓ విశిష్ట సైనికుడి జీవన విశేషాలు; యుద్ధ పురస్కారాలుగా అందించే పరమవీరచక్ర, అశోక్ చక్ర వంటి పతకాల వివరాలు తెలుపుతూ జాతీయ పతాకాన్ని ఎలా రూపొందిచాలో, అందులోని అశోక చక్రం విశిష్టత ఏమిటో తెలిపాను.
ఇది యువతకు, చదువరులకు ఉపకరిస్తుందని ఆశిస్తున్నాను.

- కేకలతూరి క్రిష్ణయ్య, రచయిత

Click here to buy eBook.

ఆయుర్వేద విజ్ఞానము

ఆయుర్వేదము మన భారత దేశీయ వైద్యము. ప్రాచీన వేద సంస్కృతి నుండి ఆవిర్భవించి మన సంస్కృతి సాంప్రదాయాలతో లీనమై సమాజ ఆరోగ్య అవసరాలను తీర్చడములో ప్రముఖ పాత్ర పోషిస్తున్నది. ఋషి పరంపరగా ప్రాప్తించిన ఆయిర్వేదము అనాదిగా మన జీవన విధానమై ఆరోగ్యానికి అమృత భాండాగారముగా భాసిల్లుతున్నది. హితకరమైన, సుఖకరమైన దీర్ఘాయుష్షు పొందడానికి కావలసిన ఆరోగ్య సూత్రాలను తెలియజేస్తుంది. పలురకాల ఆహారాలను మరియు ఔషధాలను సంస్కరించుకొనే విధి విధానాలను తొలిసారిగా పరిచయము చేసినది కూడా ఆయుర్వేదమే. ఆరోగ్య పరిరక్షణ, స్వస్థపరిపాలన, రోగనిర్మూలన ప్రధాన ఉద్దేశములుగా కలిగి అన్ని వైద్య విధానాలకు తల్లి పాత్రను పొంది ప్రాముఖ్యతను గడించినది.

చతుర్విద పురుషార్థములను సాధించుటకు ప్రతి ఒక్కరికి ఆరోగ్యము అవసరము. కేకలతూరి క్రిష్ణయ్యగారు రాయలసీమలోని చిత్తూరు జిల్లా వాసులు. బహుముఖ ప్రజ్ఞాశాలి. నాన్నగారు ప్రముఖ ఆయుర్వేద వైద్యులు కావడం వలన వీరికి ఆయుర్వేదము మీద అవగాహన, అభిమానము, గౌరవము మూలంగా ఆసక్తి పెరిగి ఆయన కలం నుండి జాలు వారిన ఈ పుస్తక రత్నము – “ఆయుర్వేద విజ్ఞానము” - జన బహుళ్యంలోనికి వెళ్ళి జనసామాన్యానికి ఉపయోగపడి జనాదరణ పొందగలదని నా అభిలాష.

ఆయుర్వేదము ఇతిహాసము(చరిత్ర)తో మొదలుపెట్టి, మూలసిద్ధాంతములను పరిచయము చేస్తూ, శరీరములోని ప్రముఖ అవయావాల కార్యకలాపాల మీద అవగాహన కలిపిస్తూ, వివిద ఆహారపదార్థములు, ఇతర పలు ద్రవ్యములు, మూలికలు – వాటి ప్రాముఖ్యతను ఒక క్రమ పద్ధతిలో వివరించడానికి ప్రయత్నము చేశారు. అంతేగాక సాధారణ ఆరోగ్య సమస్యలను ప్రకృతిలో మన చుట్టు దొరికే పలు వనమూలికలతో ఎలా నివారించుకొని నిర్మూలించుకోవాలో తెలిపారు. క్షేత్రీకరణకు ఉపకరించే పంచకర్మల గురించి పేర్కొన్నారు. పాముకాటు, తేలుకాటు, పురుగుకాటు మొదలైన వాటికి గృహవైద్యం చెప్పారు. ప్రముఖ ప్రాచీన ఆయుర్వేద గ్రంథాలలో పేర్కొన్న మరియి అనుభవవైద్యము ద్వారా వివిధ రకాల రసఔషదాలు, తైలాలు, చూర్ణాలు, ఏక మూలికలను పరిచయము చేశారు.
వృత్తి వేరైనా, ప్రవృత్తి ధర్మంగా ఆయుర్వేదాన్ని సమాజ కల్యాణం కోసం పరిచయము చేస్తున్న గౌరవనీయు శ్రీ కేకలతూరి క్రిష్ణయ్యగారిని అభినందిస్తున్నాను.

- డా. డి. నారపరెడ్ది, బిఎఎంఎస్, ఎండి(ఆయు), పిహెచ్‌.డి.

Click here to buy eBook.

ఎయిడ్స్ వ్యాధి వివరాలు - నివారణ మార్గాలు

ఎయిడ్స్ ఒక సుఖవ్యాధి, అంటువ్యాధి. అంటువ్యాధుల బారిన పడి జనపద ధ్వంసములు జరుగుచున్నవి. అంటువ్యాధుల బారిన పడకుండా వుండడానికి మన చుట్టు వుండే పరిసరాల పచ్చదనం, పరిశుభ్రతతో పాటు స్వచ్ఛమైన గాలి, నీరు, ఆహారం సమకూర్చుకోవడంపై అవగాహనను పెంపొందిచుకోవాలి.

ప్రపంచములో ఎయిడ్స్ మహమ్మారి సోకి లక్షలాది మంది ప్రాణాలు విడుస్తు, ప్రభుత్వాలకు దానిని అరికట్టడం పెను సవాలుగా మారింది. ఈ సమయములో ముఖ్యంగా పెళ్ళిగాని యువత, పెడదారిన వెళుతున్న యువతీ యువకులకు దాంపత్యజీవితం మీద అవగాహనతో పాటు, అంటువ్యాధులు ముఖ్యంగా ఎయిడ్స్ వ్యాధి మీద యువతకు అవగాహన కొరకు ఈ పుస్తకం ఎంతో దోహదపడుతుంది.

ఎయిడ్స్ వ్యాధికి కారణాలు, వ్యాధి లక్షణాలు, పరిణామాలు, ఉపద్రవాలు, ముందస్తు జాగ్రత్తలు, ఆహారం, వాతావరణము, వసతి సౌకర్యాలు, రోగగ్రస్థులతో ఎలా మెలగాలి, వారిని ఎలా ఆదరించాలి అనే పలు విషయాలతో పాటు పలు వైద్య విధానాలతో అందుబాటులో వున్న చికిత్స విధానాలపై అవగాహన కల్పిండానికి ప్రయత్నించారు.

- డా. డి. నారపరెడ్ది, బిఎఎంఎస్, ఎండి(ఆయు), పిహెచ్‌.డి.

Click here to buy eBook.

స్త్రీ జీవితం ఆరోగ్య సమస్యలు

ఆరోగ్యపరమైన, ప్రబోధాత్మకమైన రచనలే కాకుండా, విశ్వప్రేమ తత్వామృతాన్ని, ఆరోగ్యపరంగా, ప్రేమ పూర్వకంగా అందజేస్తు - ప్రేమ తత్వాన్ని ఎలా పెంపుజేసుకోవాలో - ఎలా పంచాలో- పరిపూర్ణారోగ్యాన్ని ఎలా సొంతం చేసుకోవాలో - రచనల ద్వారా తెలియజేస్తున్న మానసిక విశ్లేషకుడు క్రిష్ణయ్యగారు. అనేకానేకులకు ఆరోగ్య సూత్రాలను అందిస్తూ - ప్రబోధిస్తూ - అదే తన జీవిత గమ్యంగా - ఆరోగ్య రహస్యంగా భావిస్తున్న క్రిష్ణయ్యగారు స్త్రీ జీవితం - ఆరోగ్య సమస్యలపై దృష్టి సారించారు.

స్త్రీ జీవితం ఆరోగ్యవంతంగా వుంటేనే సమాజం ఆరోగ్యవంతంగా వుటుంది కనుక స్త్రీలు తమ ఆరోగ్యాన్ని అనేక విధాలుగా పరిరక్షించుకోవాల్సిన అవసరం ఎంతైనా వుంటుందనీ, కుటుంబ బాధ్యతలలో, కుటుంబంపైనే దృష్టి పెట్టే వారి ఆరోగ్య పరిరక్షణే తమ ఆరోగ్యాన్ని రక్షిస్తుందన్న అమాయకత్వంతో - తమని తాము అలక్ష్యం చేసుకుంటున్న స్త్రీల కోసం వారి ఆరోగ్యంపై పూర్తి అవగాహనను కలిగించాలనే బృహత్తర లక్ష్యంతో - 'స్త్రీ జీవితం - ఆరోగ్య సమస్యలు' అనే ఈ గ్రంథాన్ని క్రిష్ణయ్యగారు - స్త్రీ జాతికి అంకితం చేశారు.

స్త్రీల పరమైన ఎన్నో ఆరోగ్య సమస్యలను వివరిస్తూ యుక్త వయస్సులో వారు ఎదుర్కుంటున్న ఆనారోగ్య పరమైన విషయాలను, నివారణోపాయాలను, వైవాహిక జీవితంలో ఎదురయ్యే అనేకానేక సమస్యల తాలూకు - విశ్లేషణలనూ, అందుకు అనుసరించి ఆచరించి ఆరోగ్యాన్ని సొంతం చేసుకోగల పద్ధతులనూ - ఈ గ్రంథంలో కూలంకుషంగా చర్చించి - వివరించి మన ముందుంచిన శ్రీ క్రిష్ణయ్యగారు ఎంతైనా అభినందనీయులు.
ఈ గ్రంథంలో పిల్లల వ్యక్తిత్వ నిర్మాణం గురించి, పిల్లల వ్యక్తిగత పరిశుభ్రత గురించి, యుక్త వయసు లక్షణాల గురించి, సాధారణంగా బహిష్టు సమయాలలోనూ, మెనోపాజ్ సమయంలోనూ స్త్రీలు ఎదుర్కునే సమస్యల గురించి తీసుకోవలసిన జాగ్రత్తల గురించి, గర్భిణీ స్త్రీలు తీసుకోవలసిన ఆరోగ్య పరిరక్షణల గురించే కాకుండా వైద్యరంగంలో కూడా విశేష పరిజ్ఞానం గల క్రిష్ణయ్యగారు ఆరోగ్య పరంగా ఎన్నో ఆరోగ్య సూత్రాలనూ - ఆరోగ్య ప్రక్రియలనూ - సందేశాత్మకంగా - సర్వులకు అందించిన తీరు న భూతో న భవిష్యతి.
స్త్రీలు పఠించి, ఆచరించి, ఆరోగ్యాన్ని సొంతం చేసుకోగల ఆరోగ్య సూత్రాలను పొందికగా పొందుపరిచిన ఈ గ్రంథం ప్రతీ వారి చేతుల్లో వుండదగినది. సంపూర్ణారోగ్యాన్ని కైవశం చేసుకోటానికి ఆరోగ్యపరమైన డిక్షనరీ లాంటి ఈ గ్రంథం ఒక్క స్త్రీలకే కాదు, సర్వులకూ ఆరోగ్య దీపికే.

- డా. కె.వి. కృష్ణకుమారి, హైదరాబాద్.

Click here to buy eBook.

భక్తాగ్రేసరులు

ఆత్మజ్ఞానం లేనిదే ముక్తి లేదు. భోగియైనా, యోగియైనా, బైరాగియైనా మనస్సు బ్రహ్మమందు నిల్పాలి. తనను తాను బ్రహ్మగా అనుభూతినొందాలి. అటువంటి ప్రయత్నాలు చేసి ఆత్మజ్ఞానం పొంది ముక్తి పొందిన మహాభక్తులు చాలా మంది ఉన్నారు. సమాజానికి జ్ఞానమార్గాన్ని గురించి తెలియపరచాలని, అటువంటి భక్తాగ్రేసరుల గురించి ఈ పుస్తకం వ్రాయడం జరిగింది.

పురాణకాలం నాటి భక్తులే కాకుండా ఆధునిక భక్తాగ్రేసరులు గొప్పవారే! అలానాటి భక్తులకు తీసిపోనివారే. అటువంటి భక్తాగ్రేసరులు కొందరిని ఈ పుస్తకం ద్వారా స్మరించుకుంటున్నాను.

ఇందులో సూరదాసు, రామానుజాచార్యులు, కబీరుదాసు, ఆళ్వార్లు, మీరాబాయి, తులసిదాసు, సమర్థ రామదాసు, అన్నమయ్య, గోదాదేవి, నామదేవుడు, రూప గోస్వామి, ఛత్రపతి శివాజీ, అరబిందో, చైతన్య మహాప్రభు, త్యాగరాజు, బమ్మెర పోతన వంటి చిరపరిచిత భక్తాగ్రేసరులతో పాటు సాధారణ పాఠకులకు అంతగా పరిచయం లేని రామచర్ల వేంకటదాసు, సూరారం కవి రంగదాసు, స్వామి కృష్ణానంద, బిహారీ లాల్ చౌబే, కృపాళు మహరాజ్, జీవా గోస్వామి వంటి భక్తాళువులను ఈ పుస్తకంలో పేర్కొన్నాను.

వీరే కాక,ఆధునిక భక్తుల వివరాలు కూడా సేకరించి ఈ పుస్తకం ద్వారా అందిస్తున్నాను. జీవితంలో అనేక కష్టనష్టాలను ఎదుర్కుని, భగవంతుడిపై అచంచల విశ్వాసం ఉంచి తమ కార్యరంగంలో విజయవంతమైన కొందరి గురించి కూడా ఈ పుస్తకంలో పేర్కొన్నాను. నా ఇతర రచనల లాగానే ఈ పుస్తకం కూడా సమాజానికి ఉపకరిస్తుందని ఆశిస్తున్నాను.

- కేకలతూరి క్రిష్ణయ్య, రచయిత

Click here to buy eBook.

దివ్యాంగులు - ఆత్మవిశ్వాసం

వికలాంగుల పట్ల సమాజంలో ఏర్పడిన వివక్షను తొలగించి, వారిలో ఆత్మవిశ్వాసం నింపేందుకు ప్రభుత్వం తీసుకున్న నిర్ణయాలలో కొన్ని - వారిని 'దివ్యాంగులు'గా గుర్తించడం! 'Disabled' అని కాకుండా 'Differently abled' గా పిలవడం!

అంతేకాక, 'చేతకాని వారు' స్థాయి నుంచి 'ఇతరత్రా సమర్థులు' అనే స్థాయికి తీసుకు రావడం! వారికి కల్పించే సౌకర్యాలను మెరుగు పరచడం! ఈ చర్యల వల్ల కాస్తయినా మేలుకలిగి దివ్యాంగులలో చైతన్యం కలిగింది. వారికి అవసరమైన చేయూత - ఆర్థికంగా, మానసికంగా, సామాజికంగా అందించేందుకు ప్రభుత్వం, వ్యక్తులు, సమాజం పూనుకున్నాయి.

ఈ పుస్తకంలో అంగవైకల్యంలోని రకాలు, అవి ఏర్పడడానికి గల కారణాలు, కుటుంబం యొక్క పాత్ర మార్పు కోసం కృషి, ఆదరణ, ప్రేమ, విద్య, ప్రభుత్వ మార్పులు తదితర అంశాలు దివ్యాంగుల జీవితాలను ఎలా ప్రభావితం చేయగలవో తెలిపాను.

దివ్యాంగులకు ఉద్యోగాలు, వనరులు, వివిధ దేశాలలో దివ్యాంగులకు లభించే అవకాశాలు, మార్పుకు కృషి చేసిన వ్యక్తుల జీవితాల గురించి క్లుప్తంగా ప్రస్తావించాను. దివ్యాంగులలో అనారోగ్యము, పేదరికము వంటి సమస్యలు, సమాజం యొక్క అవగాహన లేమి తదితర అంశాల ద్వారా వారు ఎదుర్కొంటున్న ఇబ్బందులను వెల్లడించాను.

వికలాంగులకిచ్చే ప్రోత్సాహాలపై ప్రచారం కరువైన వైనం, ప్రైవేటు రంగంలో కల్పించవలసిన రిజర్వేషన్ సౌకర్యం, ఉద్యోగాలలో అందించాల్సిన ఆసరా వంటివి చర్చించాను.తాము స్వయంగా దివ్యాంగులు అయినప్పటికీ, ఎంతోమందికి స్ఫూర్తిదాయకంగా నిలిచిన కొందరి జీవన రీతులని వివరించి ఉత్తేజం కలిగించే ప్రయత్నం చేశాను. వైకల్యం ఉన్నా, దానిని అధిగమించి జీవన పోరాటం చేసేలా ఈ పుస్తకం తోడ్పడితే అదే నాకు సంతోషం.

- కేకలతూరి క్రిష్ణయ్య, రచయిత

Click here to buy eBook.

విజ్ఞానదాయకం

ఇప్పటికే నేను ఈ పుస్తకముతో మొత్తం 31 పుస్తకములు రచించాను. అన్ని వివిధ అంశాల్లో సమాజ శ్రేయస్సు కోరి వ్రాశాను. నేను సుమారుగా పది సంవత్సరములపై నుంచి నా పేపర్లు, వార పత్రికలు, మాసపత్రికలు మరియు ఇతర వివిధములగా నాకు మంచిగా ఉందనుకున్న విషయాలు చిన్నవిగానీ, పెద్దవిగానీ చూస్తే వెంటనే వాటిని ఒక పేపరు మీద వ్రాసి ఉంచుకునేవాడిని. వాటినన్నిటిని ఒక చిన్న పుస్తకం ప్రచురిస్తే సమాజానికి ఉపయోగపడునని, ఆ విషయాల్ని "విజ్ఞానదాయకం" అనే పేరు మీద ప్రచురించుచున్నాను.

- కేకలతూరి క్రిష్ణయ్య, రచయిత